తెలంగాణలో పెట్టబుడికి మరో కంపెనీ గ్రీన్ సిగ్నల్

దిశ, వెబ్‌డెస్క్: అమెరికాలో ముఖ్యమంత్రి రేవంత్ రెడ్డి పర్యటన కొనసాగుతోంది. శనివారం ఉదయం ప్రముఖ జంతు ఆరోగ్య సంస్థ బొయిటిస్ ప్రతినిధులతో రాష్ట్ర ఐటీశాఖ మంత్రి శ్రీధర్ బాబుతో కలిసి సీఎం రేవంత్ రెడ్డి చర్చలు జరిపారు. చర్చల అనంతరం హైదరాబాద్‌లో కేపబులిటీ సెంటర్‌ను విస్తరించాలని బోయిటిస్ నిర్ణయం తీసుకున్నది. వచ్చే సెప్టెంబర్ నుంచే కార్యకలాపాలు ప్రారంభించాలని ఒప్పందానికి వచ్చారు. ఈ సందర్భంగా సీఎం రేవంత్ రెడ్డి మాట్లాడుతూ.. హైదరాబాద్‌లో తమ జోయిటిస్ ఇండియా కెపాబిలిటీ సెంటర్‌ను విస్తరించే నిర్ణయాన్ని స్వాగతిస్తున్నట్లు ప్రకటించారు. తెలంగాణలో కొత్త ఆవిష్కరణలకు, వ్యాపార వృద్ధికి అపారమైన అవకాశాలున్నాయని అన్నారు. హైదరాబాద్‌ను ప్రపంచ స్థాయి లైఫ్ సైన్సెస్ హబ్‌గా తీర్చిదిద్దాలనే తమ ఆలోచనలకు ఈ పెట్టుబడులు దోహదపడుతాయన్నారు. వందలాది మందికి ఉద్యోగాలు లభిస్తాయన్నారు.