Revanth Reddy : వ్యవ‘సాయం’ అంటే అమెరికాలో అంట్లు తోమడం కాదు

దిశ, డైనమిక్ బ్యూరో: వ్యవ’సాయం’ అంటే అమెరికాలో అంట్లు తోమడం కాదు డ్రామారావు అంటూ టీపీసీసీ చీఫ్ రేవంత్ రెడ్డి మంత్రి కేటీఆర్‌పై పరోక్షంగా సంచలన కామెంట్స్ చేశారు. ఈ మేరకు సోమవారం ఆయన ట్విట్టర్ వేదికగా తెలిపారు. ఇటీవల హర్యానాలో కాంగ్రెస్ అగ్రనేత రాహుల్ గాంధీ రైతులతో కలిసి వరి నాట్లు వేస్తున్న ఫోటోలను రేవంత్ రెడ్డి ట్విట్టర్ వేదికగా పోస్ట్ చేశారు. ఎవుసం అంటే జూబ్లీ హిల్స్ గెస్ట్ హౌజ్‌లలో సేద తీరడం కాదని, సినిమా వాళ్లతో పార్టీలు చేసుకోవడం కాదని, అది మట్టి మనసుల పరిమళమని పేర్కొన్నారు. ఎవుసం మట్టి మనుషుల ప్రేమ అని, ఎడ్లు - వడ్లు అని ప్రాస కోసం పాకులాడే.. ‘గాడిద’కేం తెలుసు గంధపు చెక్కల వాసన అని విమర్శించారు. డ్రామారావు, బైబై కేసీఆర్ అంటూ రేవంత్ రెడ్డి హ్యష్ ట్యాగ్‌తో విమర్శనాత్మక ట్వీట్ చేశారు.