Ts News: బీజేపీలోకి 22 మంది ప్రముఖులు.. లిస్ట్ రెడీ చేసిన కమలం పార్టీ
దిశ, వెబ్ డెస్క్: బీజేపీలో 22 మంది ప్రముఖులు చేరనున్నారు. తెలంగాణలోని వివిధ ప్రాంతాలకు చెందిన నాయకులు త్వరలో కషాయం తీర్థం పుచ్చుకోనున్నట్లు ఆ పార్టీ ఎన్నికల కమిటీ చైర్మన్ ఈటల రాజేందర్ స్పష్టం చేశారు. కేంద్రహోంమంత్రి అమిత్ షా సమక్షంలో భారీ చేరికలుంటాయని ఆయన వెల్లడించారు. బీజేపీలో చేరే 22 మంది లిస్టు కూడా రెడీ అయిందని చెప్పారు. ఇప్పటికే వారితో సంప్రదింపులు సైతం అయిపోయినట్లు ఈటల పేర్కొన్నారు. నిర్మల్ నూతన మున్సిపాలిటీ మాస్టర్ ప్లాన్‌ను వ్యతిరేకిస్తూ దీక్ష చేపట్టిన మహేశ్వర్ రెడ్డికి మద్దతు తెలిపిన ఈటల రాజేందర్.. బీజేపీలో చేరికలపై కీలక వ్యాఖ్యలు చేశారు. ఇక నుంచి బీజేపీలోకి నిరంతరం వలసలుంటాయని తెలిపారు. అలాగే రాష్ట్ర వ్యాప్తంగా బస్సు యాత్ర కూడా చేయనున్నట్లు ఈటల రాజేందర్ స్పష్టం చేశారు.
కాగా తెలంగాణలో ఆపరేషన్ ఆకర్ష్‌కు మరోసారి బీజేపీ తెరతీయనుంది. అమిత్ షా పర్యటనకు ముందే యాక్షన్ ప్లాన్ రెడీ చేసింది. కొత్త వలసలపై ముహూర్తం కూడా ఖరారు చేసేసింది. ఈ నెల 27న కేంద్రహోమంత్రి అమిత్ షా తెలంగాణలో పర్యటించనున్నారు. ఈ సందర్భంగా బీజేపీలోకి భారీగా వలసలకు రాష్ట్ర నాయకత్వం ప్లాన్ చేసింది.
