ఉత్కంఠకు తెర…కొమురం భీం జిల్లా కాంగ్రెస్ అభ్యర్థులు వీరే

దిశ కాగజ్నగర్ : కొమురం భీం ఆసిఫాబాద్ జిల్లా సిర్పూర్ టి ,ఆసిఫాబాద్ నియోజకవర్గాల కాంగ్రెస్ అభ్యర్థులను ఏఐసీసీ శుక్రవారం సాయంత్రం ప్రకటించింది .సిర్పూర్ టి కాంగ్రెస్ పార్టీ అభ్యర్థిగా రావి శ్రీనివాసు, ఆసిఫాబాద్ కాంగ్రెస్ అభ్యర్థిగా అజ్మీర శ్యాం నాయక్ ను ప్రకటించింది. రావి శ్రీనివాస్ గత 2018లో జరిగిన అసెంబ్లీ ఎన్నికల్లో బీఎస్పీ పార్టీ అభ్యర్థిగా పోటీ చేశారు. కాంగ్రెస్ పార్టీ టికెట్ కోసం ప్రయత్నించినప్పటికీ కాంగ్రెస్ పార్టీ అభ్యర్థిగా పాల్వాయి హరీష్ బాబు పేరును ప్రకటించడం తో ,బీఎస్పీ పార్టీ నుంచి పోటీ చేయాల్సి వచ్చింది. గతంలో టీడీపీ అభ్యర్థిగా రవి శ్రీనివాస్ పోటీ చేశారు. ఆసిఫాబాద్ కాంగ్రెస్ పార్టీ అభ్యర్థిగా అజ్మీర శ్యాం పేరు ను ప్రకటించారు. ఉమ్మడి ఆదిలాబాద్ జిల్లా టిఎన్జీవో అధ్యక్షులుగా పనిచేశారు. ఆసిఫాబాద్ ఆర్టీవో గా పని చేసిన అనుభవం ఉంది. ఖానాపూర్ ఎమ్మెల్యే రేఖ నాయక్ కు భర్త అజ్మీర శ్యాం నాయక్. జిల్లాలో కాంగ్రెస్ అభ్యర్థుల పేర్లు ఖరారు కావడంతో కాంగ్రెస్ అభ్యర్థుల్లో జోష్ ఊపు అందుకుంది.