దళితుల అభ్యున్నతికి కాంగ్రెస్ పాటుపడుతుంది: సిరిముల్ల వేణు

దిశ, మంచిర్యాల టౌన్: పేద, దళిత ప్రజల అభ్యున్నతికి కాంగ్రెస్ పార్టీ పాటు పడుతుందని, చిల్లర రాజకీయాలు చేస్తూ తమ నాయకుడిని కించపరిస్తే సహించేది లేదని కాంగ్రెస్ పార్టీ ఫ్లోర్ లీడర్ సిరుముల్ల వేణు అన్నారు. శుక్రవారం జిల్లా కేంద్రంలోని స్థానిక ఐబీ గెస్ట్ హౌస్ లో ఏర్పాటు చేసిన పత్రిక సమావేశంలో మాట్లాడుతూ రాజకీయ పార్టీకి కుల రంగు పుసి చేసే నీచ రాజకీయాలు మానుకోవాలన్నారు. గోమాస శ్రీనివాస్ మంచిర్యాల జిల్లాలో కాంగ్రెస్ పార్టీని అమ్మకానికి పెట్టి పార్టీ వ్యతిరేక కార్యకలాపాలు చేస్తున్నారు అని, బెల్లంపల్లిలో జరిగిన సంఘటనకు తమ నాయకుడు ప్రేమ్ సాగర్ రావు కు ఎలాంటి సంబంధం లేదని, స్థానిక కాంగ్రెస్ నేతలు ఎన్నో ఏండ్ల నుండి పార్టీని బ్రతికిస్తే ఇప్పుడు ఎన్నికల ముందు కోవర్టులుగా మారి పార్టీని నాశనం చేసే పని పెట్టుకున్నారు అని విమర్శించారు. కార్యక్రమంలో అంగడి రాజేష్, చిలుక మల్లేష్, విజయ, ఆత్రం శంకర్ కాంగ్రెస్ పార్టీ నాయకులు పాల్గొన్నారు.