విరిగిపడిన ఆటమ్ ఎలక్ట్రికల్ బైక్.. అవాక్కైన జనం

దిశ, మంచిర్యాల టౌన్ : ఈ మధ్య ఎలక్ట్రిక్ వాహనాలు బ్యాటరీ సమస్య వల్ల కాలి బుడిదవుతున్న సంఘటనలు మనం చూస్తూనే ఉన్నాం. కానీ, ఏకంగా ఓ ఎలక్ట్రిక్ బైక్ నడిరోడ్డు మీదే విరిగిపడిన ఘటన మంగళవారం మంచిర్యాల పట్టణంలో చోటుచేసుకుంది. వివరాల్లోకి వెళితే.. శ్రీరాంపూర్ కు చెందిన శ్రావణ్ సంవత్సరం క్రితం ఎలక్ట్రిక్ రంగం నుంచి వచ్చిన ఆటమ్- ఈ (Atumobile Atum 1.0 Electric) బైక్ ను రూ.65వేలకు కొనుగోలు చేశాడు.

అయితే, మంగళవారం ఉదయం కూరగాయలు కొనేందుకు శ్రావణ్ ఆ బైక్ పై మంచిర్యాల మార్కెట్ కు వెళ్తున్నాడు. ఈ క్రమంలోనే ఒక్కసారిగా బండి హ్యాండిల్ ముందు భాగంలో ఉండే ఫార్క్ నడిరోడ్డపై విరిగిపోవడంతో బైక్ కుప్పకూలి పోయింది. దీంతో గాయాల పాలైన శ్రావణ్ ను చుట్టూ పక్కల వాళ్లు ఓ పక్కన కూర్చోబెట్టి బైక్ విరిగిపోవడం ఏంటని చర్చించుకున్నారు.