హైదరాబాద్‌కు చంద్రబాబు.. ఐటీ ఉద్యోగుల భారీ బైక్, కార్ల ర్యాలీ

దిశ, వెబ్‌డెస్క్: టీడీపీ అధినేత చంద్రబాబు ఇవాళ సాయంత్రం విజయవాడ నుంచి హైదరాబాద్‌కు రానున్నారు. సాయంత్రం 4 గంటలకు గన్నవరం ఎయిర్‌పోర్ట్‌కు చేరుకోనుండగా.. 4.45 గంటలకు శంషాబాద్ ఎయిర్‌పోర్ట్‌కు రానున్నారు. అక్కడ నుంచి రోడ్డు మార్గం ద్వారా సాయంత్రం 5.50 గంటలకు జూబ్లీహిల్స్‌లోని తన నివాసానికి చంద్రబాబు చేరుకోనున్నారు. రేపు ఏఐజీ, ఎల్వీ ప్రసాద్ ఆస్పత్రుల్లో చంద్రబాబు వైద్య పరీక్షలు చేయించుకోనున్నారు.

నిన్న చంద్రబాబు జైలు నుంచి మధ్యంతర బెయిల్‌పై బయటకు రాగా.. ఇవాళ హైదరాబాద్ వస్తుండటంతో భారీగా స్వాగతం పలికేందుకు టీడీపీ శ్రేణులతో పాటు ఐటీ ఉద్యోగులు రెడీ అయ్యారు. ఇందులో భాగంగా సాయంత్రం 4.30 గంటలకు బేగంపేట ఎయిర్‌పోర్ట్ నుంచి జూబ్లీహిల్స్‌లోని చంద్రబాబు నివాసం వరకు భారీ బైక్, కార్ల ర్యాలీకి ఐటీ ఉద్యోగులు పిలుపునిచ్చారు. చంద్రబాబుకు స్వాగతం పలికేందుకు ఈ ర్యాలీ చేపడుతున్నారు.