Telangana Congress:త్వరలో 35వేల ఉద్యోగాలు భర్తీ.. దిశ కథనంతో తెలంగాణ కాంగ్రెస్ స్పెషల్ ట్వీట్
దిశ, డైనమిక్ బ్యూరో: త్వరలో 35 వేల ఉద్యోగాలు అంటూ తెలంగాణ కాంగ్రెస్ స్పెషల్ ట్వీట్ చేసింది. రాజీవ్ గాంధీ సివిల్స్ అభయహస్తం పేరుతో సివిల్స్ ప్రిలిమ్స్ లో ఉత్తీర్ణత సాధించి మెయిన్స్ కోసం సన్నద్దమవుతున్న విద్యార్ధులకు సింగరేణి సాయంతో ప్రభుత్వం ఆర్ధిక సాయం అందించింది. సోమవారం జరిగిన ఈ కార్యక్రమంలో సీఎం రేవంత్ రెడ్డి మాట్లాడుతూ రాష్ట్రంలోని నిరుద్యోగులకు శుభవార్త తెలిపారు. దీనిపై "మరో 35 వేల ఉద్యోగాలు త్వరలోనే భర్తీ చేస్తాం" అంటూ దిశ పత్రికలో వచ్చిన కథనాన్ని తెలంగాణ కాంగ్రెస్ ట్విట్టర్ ఖాతాలో పోస్టు చేస్తూ పలు ఆసక్తికర వ్యాఖ్యలు చేశింది. ఇందులో సరైన సమయంలో నోటిఫికేషన్ ఇచ్చేందుకు ప్రభుత్వం కట్టుబడి ఉందని తెలిపారు. అలాగే యువతకు ఉపాధి లక్ష్యంగా తెలంగాణ ప్రభుత్వం పని చేస్తుందని అన్నారు. ఇక నిరుద్యోగ సమస్యను శాశ్వతంగా పరిష్కరించడమే తమ ప్రభుత్వ లక్ష్యమని చెబుతూ సీఎం రేవంత్ రెడ్డి ఫోటో ఉన్న స్పెషల్ పోస్ట్ ను ఎక్స్ లో తెలంగాణ కాంగ్రెస్ షేర్ చేసింది.
