‘మా సలహాలను దృష్టిలో ఉంచుకోండి’

దిశ, న్యూస్‌బ్యూరో: తెలంగాణ దక్షిణ ప్రాంత డిస్కం(టీఎస్ఎస్పీడీసీఎల్)లో ఆర్టిజన్లు, స్వీపర్లు ఇతర కింది స్థాయి ఉద్యోగుల ట్రాన్స్‌ఫర్ సమయంలో వారి ఇబ్బందులను దృష్టిలో ఉంచుకోవాలని తెలంగాణ విద్యుత్ వర్కర్స్ యూనియన్ కోరింది. ఈ మేరకు ఆర్టిజన్ల ట్రాన్స్‌ఫర్ విధివిధానాలు రూపొందించడానికి టీఎస్ఎస్పీడీసీఎల్‌లో ఏర్పడ్డ కమిటీకి యూనియన్ తమ సూచనలు, సలహాలతో కూడిన రిప్రెజెంటేషన్ లెటర్ ఇచ్చింది. తమ సలహాలు, సూచనలు దృష్టిలో ఉంచుకొని విధివిధానాలు రూపొందించాలని కమిటీని యూనియన్ అధ్యక్షుడు గంబో నాగరాజు కోరారు.