ఈ నెలాఖరు వరకు ఇంతే..!

దిశ, వెబ్‌డెస్క్: కరోనా నేపథ్యంలో 50శాతం సిబ్బందితో పనిచేయాలన్న గత ఉత్తర్వులను జులై నెలాఖరు వరకు పొడిగిస్తున్నట్లు తెలంగాణ ప్రభుత్వం నిర్ణయం తీసుకుంది. దీంతో జీహెచ్ఎంసీ పరిధిలోని అన్ని కార్యాలయాల్లో సగం మంది సిబ్బందితోనే నిర్వహించనున్నారు. రాజధానిలో కేసులు అధిక సంఖ్యల్లో నమోదు అవుతుండడంతో ప్రభుత్వం ఈ నిర్ణయం తీసుకున్నట్లు తెలుస్తోంది. సెక్రటేరియట్, ఇతర ప్రభుత్వ కార్యాలయాల్లో ఇక మీదట కూడా 50 శాతం సిబ్బంది విధులకు హాజరుకానున్నారు.