WhatsApp, Facebook, YouTube సపోర్ట్‌తో జియో 4G ఫోన్.. ధర రూ.2,599
దిశ, వెబ్‌డెస్క్: రిలయన్స్ జియో నుంచి మరికొద్ది రోజుల్లో మరో 4G ఫీచర్ ఫోన్ విడుదల కానుంది. దీని పేరు ‘JioPhone Prima 4G’. దీనిని ఇండియన్ మొబైల్ కాంగ్రెస్ 2023 ఈవెంట్‌లో ఆవిష్కరించారు. తక్కువ ధరలో ఇన్‌బిల్ట్ యాప్స్‌తో ఇది వస్తుంది. JioPhone Prima 4G ఫీచర్ ఫోన్ దీపావళి నాటికి అధికారికంగా ఇండియాలో లాంచ్ అవుతుంది. దీని ధర రూ.2,599. బ్లూ, పసుపు కలర్స్‌లలో కొనుగోలుకు వస్తుంది. JioMart ద్వారా బుకింగ్ చేసుకోవచ్చు.
ఈ ఫోన్‌లో WhatsApp, YouTube, Facebook వంటి సోషల్ మీడియా యాప్‌లను అందించారు. ఇది 320×240 పిక్సెల్‌ల రిజల్యూషన్‌తో 2.4-అంగుళాల TFT డిస్‌ప్లేను కలిగి ఉంది. ఇంకా 0.3MP ఫ్రంట్ కెమెరాను కూడా అందించారు. దీనిలో 1800mAh బ్యాటరీని అమర్చారు. ARM Cortex A53 ప్రాసెసర్‌ ద్వారా పనిచేస్తుంది. ఫోన్‌లో ఇన్‌బిల్ట్‌గా JioTV, Jio Cinema, JioSaavn,JioNews వంటి వాటిని అందించారు. దీనిపై ఒక సంవత్సరం వారంటీని కంపెనీ అందిస్తోంది.
