IPL లవర్స్‌కు గుడ్‌న్యూస్.. రూ.49 డేటా ప్లాన్‌ను తీసుకొచ్చిన జియో
దిశ, టెక్నాలజీ: ఐపీఎల్ 2024 ప్రారంభం వేళ ప్రముఖ టెలికాం దిగ్గజ కంపెనీ రిలయన్స్ జియో తన వినియోగదారులకు అదిరిపోయే రీచార్జ్ ప్లాన్‌ను తీసుకొచ్చింది. అది కూడా తక్కువ ధరలో. ఈ ప్లాన్ ధర రూ.49. ఇది ఒక రోజు వ్యాలిడిటీ కలిగి ఉంటుంది. దీనిలో మొత్తం 25GB డేటా లభిస్తుంది. బేస్ యాక్టివ్ ప్లాన్ ఉన్నట్లయితేనే దీనిని రీచార్జ్ చేసుకోవచ్చు. దీనిని అన్‌లిమిటెడ్ డేటా పేరుతో లిస్ట్ చేసింది. వినియోగదారులు మొత్తం 25GB డేటాను వినియోగించిన తరువాత ఇంటర్నెట్ స్పీడ్ 64 Kbpsకి తగ్గించబడుతుంది.
దేశవ్యాప్తంగా ఉన్న జియో ప్రీపెయిడ్ సబ్‌స్క్రైబర్‌లందరికీ ఈ ప్లాన్ అందుబాటులో ఉంది. ఎక్కువ డేటా కావాలనుకునే వారికి ఇది బాగా ఉపయోగపడుతుంది. ముఖ్యంగా ఐపీఎల్ సీజన్ ప్రారంభమైన నేపథ్యంలో యూజర్లకు మ్యాచ్‌లను వీక్షించడానికి ఈ డేటా ప్లాన్ సరిగ్గా సరిపోతుందని కంపెనీ వర్గాలు ఒక ప్రకటనలో పేర్కొన్నాయి. ఐపీఎల్ మ్యాచ్‌ల ప్రత్యక్ష ప్రసారాన్ని ఫోన్ లేదా ట్యాబ్లెట్‌లో ఉచితంగా చూడటానికి జియో సినిమా యాప్‌ని డౌన్‌లోడ్ చేసుకోవచ్చని అధికారులు తెలిపారు. మ్యాచ్‌లను ప్రత్యక్షంగా చూడటానికి వీక్షకులకు జియో సినిమా ప్రీమియం సబ్‌స్క్రిప్షన్ అవసరం లేదు.
