మీరు షేర్‌లో పెట్టుబడి పెట్టాలనుకుంటున్నారా.. ఈ పొరపాట్లు మాత్రం చేయకండి..
దిశ, ఫీచర్స్ : ఈ రోజుల్లో ట్రేడింగ్ యాప్‌లకు సంబంధించిన మోసాలు వేగంగా పెరుగుతున్నాయి. ఫేక్ యాప్స్, టెంప్టింగ్ ఆఫర్ల పేరుతో యూజర్లను మోసం చేస్తున్నారు. ఈ రోజుల్లో వినియోగదారులు వాట్సాప్ గ్రూపులు, యాప్ స్టోర్‌లు, ఫేస్‌బుక్ - ఇన్‌స్టాగ్రామ్ ప్రకటనలలో ట్రేడింగ్‌ను ఆఫర్ చేస్తున్నారు. ఇది పెద్ద స్కామ్. అలాంటి ప్రకటనలు చూసి మీరు షేర్ మార్కెట్‌లో డబ్బు పెట్టుబడి పెట్టబోతున్నట్లయితే అప్రమత్తంగా ఉండండి.
హోం మంత్రిత్వ శాఖ నిర్వహించే X ప్లాట్‌ఫారమ్‌లో సైబర్ దోస్త్ పోస్ట్ వచ్చింది. ఇందులో వినియోగదారులు నకిలీ ట్రేడింగ్‌కు పాల్పడ్డారని. ఇలాంటి నకిలీ యాప్‌లు మీ జీవితాన్ని నాశనం చేస్తాయని, సెబీలో రిజిస్టర్ అయిన యాప్‌ల ద్వారా మాత్రమే మీరు షేర్ మార్కెట్‌లోకి ఇన్వెస్ట్ చేయడం మంచిదని పేర్కొన్నారు.
షేర్లలో ఇన్వెస్ట్ చేయడానికి వాట్సాప్‌ను నమ్మవద్దు
మీకు డబ్బు రెట్టింపు లేదా ఎక్కువ లాభాలు అనే పేరుతో వాట్సాప్‌లో అనేక రకాల ఆఫర్లు ఇవ్వవచ్చు. కానీ మీరు అలాంటి అత్యాశలో పడకూడదని తెలుపుతున్నారు. వాట్సాప్‌లో డబ్బును షేర్లలో పెట్టుబడి పెట్టాలంటూ మోసపూరిత సందేశాలు తరచూ పంపుతుంటారు. ఈ సందేశాలు ఆకర్షణీయమైన ఆఫర్లు, ఉచిత సలహాలను ఇస్తుంటారు. అయితే వాస్తవానికి అవి మీ డబ్బును దొంగిలించడానికి ఉద్దేశించినవి.
తప్పుడు సమాచారం : వాట్సాప్‌లో స్టాక్ మార్కెట్ గురించి తరచుగా తప్పుడు సమాచారం ఇస్తుంటారు. ఈ సందేశాలలో షేర్ల తప్పుడు ధరలు, తప్పుడు ప్రకటనలు ఉండవచ్చు.
మోసం : షేర్లలో డబ్బు పెట్టుబడి పెట్టడానికి వాట్సాప్‌లో స్కామ్ సందేశాలు తరచుగా వస్తుంటాయి. ఈ సందేశాలు మీ డబ్బును దొంగిలించగల నకిలీ వెబ్‌సైట్‌లలో లాగిన్ అయ్యేలా చేస్తాయి.
తప్పుడు సలహా : వాట్సాప్‌లో స్టాక్ మార్కెట్ గురించి తరచుగా తప్పుడు సలహాలు ఇస్తుంటారు. దీని కారణంగా మీరు తప్పుడు షేర్లలో పెట్టుబడి పెట్టి డబ్బు నష్టపోవచ్చు.
షేర్లలో డబ్బు పెట్టుబడి పెట్టమని మిమ్మల్ని అడిగే వాట్సాప్ సందేశాన్ని విశ్వసించవద్దు.
ఏదైనా షేర్‌లో ఇన్వెస్ట్ చేసే ముందు, ఆ షేర్ గురించి పూర్తిగా పరిశోధన చేయండి.
మీ వ్యక్తిగత సమాచారం లేదా బ్యాంకింగ్ వివరాలను ఎవరితోనూ పంచుకోవద్దు.
స్టాక్ మార్కెట్‌లో రిస్క్ ఎప్పుడూ ఉంటుందని గుర్తుంచుకోండి.
మీరు రిస్క్ తీసుకోలేకపోతే, మీరు స్టాక్ మార్కెట్‌లో పెట్టుబడి పెట్టకూడదు.
మీరు అలాంటి స్కామ్‌లో చిక్కుకున్నట్లయితే, దానిని నివేదించడానికి, మీరు సైబర్ క్రైమ్ పోర్టల్‌లో లేదా 1930 నంబర్‌కు డయల్ చేసి ఫిర్యాదు చేయవచ్చు.
