జగదాంబ సెంటర్‌లో తేల్చుకుందాం: బొండా

దిశ డెస్క్: జగదాంబ సెంటర్‌లో తేల్చుకుందామని టీడీపీ నేత బొండా ఉమామహేశ్వరరావు ఆంధ్రప్రదేశ్ ముఖ్యమంత్రి వైఎస్ జగన్మోహన్‌రెడ్డికి సవాలు విసిరారు. చంద్రబాబునాయుడు వైజాగ్‌లో తలపెట్టిన ర్యాలీని ప్రభుత్వం అడ్డుకున్న సంగతి తెలిసిందే. ఈ నేపథ్యంలో విజయవాడలోని పార్టీ కార్యాలయంలో ఆయన మాట్లాడుతూ, జగన్ రౌడీయిజానికి భయపడేది లేదని అన్నారు. చంద్రబాబు త్వరలో వైజాగ్ వస్తారని ఆయన చెప్పారు. దమ్ముంటే అప్పుడు అడ్డుకోండి చూద్దామని ఆయన సవాలు విసిరారు. పోలీసుల అండతోనే రౌడీయిజం చేశారని ఆయన విమర్శించారు. విశాఖలో ప్రజాస్వామ్యం ఖూనీపై కోర్టుకెళ్తామని ఆయన హెచ్చరించారు. ఇవాళ విశాఖలో చోటుచేసుకున్న సంఘటనలపై గవర్నర్‌ను కలిసి ఫిర్యాదు చేస్తామని ఆయన తెలిపారు.