నాకు ఇంట్రెస్ట్ లేదు : తరుణ్

బిగ్ బాస్ సీజన్ 4 వచ్చేస్తోంది. అందుకు సంబంధించిన ప్రోమో ఐతే వచ్చింది కానీ.. హోస్ట్ ఎవరు? ఇంటి సభ్యులుగా మారబోతోంది ఎవరు? అనే విషయాలను మాత్రం ‘స్టార్ మా’ యాజమాన్యం ఇంకా అధికారికంగా ప్రకటించలేదు. కానీ ఈసారి కొందరు సెలెబ్రిటీలు కంటెస్టెంట్‌లుగా ఉన్నారన్న వార్త ప్రచారమవుతోంది. ఇందులో హీరో తరుణ్ పేరు కూడా ఉండటంతో ఆయన దీనిపై క్లారిటీనిస్తూ సోషల్ మీడియాలో పోస్ట్ పెట్టాడు.

ఈ మధ్య సోషల్ మీడియాతో పాటు ప్రింట్ మీడియాలోనూ తాను బిగ్ బాస్‌లో పాల్గొనబోతున్నట్లు ఫేక్ న్యూస్ ప్రచారం జరుగుతోందని.. కానీ అందులో ఎంత మాత్రం నిజం లేదన్నారు. బిగ్ బాస్‌లో పాల్గొనే ఆసక్తి తనకు లేదని చెప్పాడు. ఇలాంటి అసత్య ప్రచారాలను నమ్మొద్దని సూచించాడు. కరోనా వైరస్ వేగంగా వ్యాప్తి చెందుతోందని.. అందరూ ఇంట్లోనే జాగ్రత్తగా ఉండాలని కోరారు.