జక్కన్న గురించి తారక్, చరణ్ కన్వర్జేషన్

దిశ, వెబ్ డెస్క్: బాహుబలి తర్వాత జక్కన్న దర్శకత్వంలో వస్తున్న అత్యంత ప్రతిష్టాత్మక చిత్రం ‘ఆర్ఆర్ఆర్’. తారక్, చరణ్ మల్టీస్టారర్ మూవీగా పాన్ ఇండియా లెవల్‌లో రూపుదిద్దుకుంటున్న ఈ చిత్రం బాహుబలిని మించిన రికార్డ్స్ క్రియేట్ చేస్తుందని అర్థమైపోతోంది. తారక్ కొమురం భీమ్‌గా, చరణ్ అల్లూరి సీతారామరాజుగా నటిస్తున్న సినిమాలో ‘భీమ్ ఫర్ రామరాజు’ పేరుతో చెర్రీ లుక్ రివీల్ చేసిన జక్కన్న.. ఇప్పుడు ‘రామరాజు ఫర్ భీమ్’గా తారక్ లుక్‌ను పరిచయం చేయబోతున్నారు. ఇందుకోసం అక్టోబర్ 22న ఉ : 11 గంటలకు ముహూర్తం ఖరారు చేశారు.

https://twitter.com/AlwaysRamCharan/status/1318816901959577600?s=19

కాగా, తారక్ లుక్ నుంచి చిన్న గ్లింప్స్ ఇచ్చిన చెర్రీ.. ‘బ్రదర్ తారక్ నీలా కాకుండా చెప్పిన టైమ్‌కు సర్‌ప్రైజ్ ఇస్తానని’ అన్నాడు. దీనిపై స్పందించిన తారక్.. ‘ఆల్రెడీ ఐదు నెలలు లేట్ అయిందని ఇప్పటికే రియలైజ్ అయ్యుంటావ్ అనుకుంటున్నాను. ఇప్పటికైనా జాగ్రత్త! జక్కన్నతో వ్యవహారం మరి.. ఎప్పుడైనా ఏదైనా జరగొచ్చు’ అంటూ సెటైర్ వేశాడు. దీనికి రిప్లయ్ ఇచ్చిన చెర్రీ.. నన్ను నమ్ము తారక్ ఆలస్యం విలువైనది అవుతుంది.. అక్టోబర్ 22 ఉదయం 11 గంటలకు పక్కా ‘రామరాజు ఫర్ భీమ్’ గిఫ్ట్ అందుతుంది అని చెప్పాడు.

ఇక తారక్ ఫ్యాన్స్ అయితే, అన్నా.. నీ గర్జన కోసం వెయిటింగ్ అంటూ ‘రామరాజు ఫర్ భీమ్‌’లో చరణ్ వాయిస్ ఓవర్ తారక్ లుక్‌కు మరింత ఇంటెన్స్ ఇచ్చేలా ఉండాలని కోరుతున్నారు.