పుల్వామాలో గ్రెనేడ్ దాడి… వారిపైనే గురి

శ్రీనగర్: జమ్ము కశ్మీర్‌ పుల్వామాలో అనుమానిత ఉగ్రవాదులు గ్రెనేడ్ దాడికి పాల్పడ్డారు. సైన్యంపై గురిపెట్టి దాడి చేసినప్పటికీ గురి తప్పినట్టు అధికారులు తెలిపారు. బుధవారం సాయంత్రం జరిగిన ఈ దాడిలో 12 మంది పౌరులు గాయపడ్డారు. పుల్వామాలోని కాకాపొరా టౌన్‌లో ఉగ్రవాదులు సీఆర్‌పీఎఫ్ బంకర్ల మీదకు గ్రెనేడ్ విసిరేశారని పోలీసులు తెలిపారు. ఈ దాడిలో గాయపడిన పౌరులను హాస్పిటల్‌కు తరలించారని, ఉగ్రవాదుల కోసం సమీపప్రాంతాల్లో కార్డన్ సెర్చ్ ఆపరేషన్ చేపడుతున్నట్టు వివరించారు.