హుజూరాబాద్‌లో డ్రోన్‌ కెమెరాలతో నిఘా.. ఏసీపీ క్లారిటీ

దిశ, హుజూరాబాద్ రూరల్: హుజూరాబాద్ ఉప ఎన్నిక నేపథ్యంలో పోలీసులు ఎప్పటికప్పుడు పరిస్థితులను పరిశీలించేందుకు డ్రోన్ కెమెరాలతో నిఘా ఏర్పాటు చేసినట్లు ఏసీపీ కోట్ల వెంకట్ రెడ్డి మంగళవారం తెలిపారు. ఈ మేరకు ఎన్నికల రిటర్నింగ్ అధికారి కార్యాలయం ముందు డ్రోన్ కెమెరాలను.. హుజూరాబాద్ రూరల్ సీఐ ఎర్రోళ్ళ కిరణ్ పరిశీలించారు. ఈ సందర్భంగా ఆయన మాట్లాడుతూ.. ఎలాంటి అవాంఛనీయ సంఘటనలు జరగకుండా ఉండేందుకు డ్రోన్ కెమెరాలతో నిఘా పెట్టినట్టు తెలిపారు. ఈ కెమెరాల ద్వారా 3 కిలోమీటర్ల పరిధిలోని ఉన్న దృశ్యాలు చిత్రీకరిస్తున్నామన్నారు. ఈ నేపథ్యంలోనే ఎన్నికల నిబంధనలు పాటించి సహకరించాలని కోరారు. ఈ కార్యక్రమంలో పోలీస్ సిబ్బంది తదితరులు పాల్గొన్నారు.