సినీ కార్మికులకు సల్మాన్ అండ

కరోనా వైరస్ విజృంభిస్తున్న దృష్ట్యా దేశంలో 21 రోజలు లాక్ డౌన్ విధించారు. దీంతో దేశంలో అన్ని రకాల ఫిల్మ్ షూటింగ్‌లు బంద్ చేశారు. దీనిపైనే ఆధారపడి జీవిస్తున్న సినీ కార్మికుల బతుకులు దుర్భరంగా మారుతున్నాయి. ఈ నేపథ్యంలో బాలీవుడ్ కండల వీరుడు సినీకార్మికులను ఆదుకునేందుకు ముందుకు వచ్చాడు. సుమారు 25వేల కార్మికుల అకౌంట్లలో నేరుగా డబ్బులు జమ చేయాలని నిర్ణయించాడు. ఉత్తర భారత సినీ కార్మికుల సమాఖ్య అధ్యక్షుడు బీఎన్ తివారీ లాక్‌డౌన్ కారణంగా సినీకార్మికులు చాలా ఇబ్బందులు పడుతున్నారని సల్మాన్‌ఖాన్ దృష్టికి తీసుకెళ్లాడు. దీంతో సినీ కార్మికులు మొత్తం ఎంత మంది ఉన్నారో లెక్క తయారు చేయాల్సిందిగా ఆయనను కోరారు. సినీ కార్మికుల పూర్తి వివరాలతో కూడిన నివేదికను గత సాయంత్రమే సల్మాన్‌ఖాన్‌కు ఇచ్చాడు. ఈ మేరకు సల్మాన్‌ఖాన్ వారికి సాయం చేయనున్నారు.

Tags: sulmankhan Help,25 thousand workers,cini employees,bn tiwari