ఇంగ్లాండ్‌తో టెస్టు సిరీస్.. రెండు మ్యాచ్ లకు కోహ్లీ దూరం
దిశ, స్పోర్ట్స్: భారత్- ఇంగ్లాండ్ మధ్య జరిగే తొలి రెండు టెస్టులకు స్టార్ ప్లేయర్ విరాట్ కోహ్లీ దూరం కానున్నాడు. ఈనెల 25 నుంచి భారత్ - ఇంగ్లాండ్ మధ్య ఐదు టెస్టుల సిరీస్ స్టార్ట్ కానుంది. వ్యక్తిగత కారణాలతో తొలి రెండు టెస్టులకు కోహ్లీ అందుబాటులో ఉండట్లేదు. ఈ విషయాన్ని బీసీసీఐ అధికారికంగా ప్రకటించింది. ఇప్పటికే ఇంగ్లాండ్ తో మొదటి రెండు టెస్టులకు భారత జట్టును ప్రకటించింది సెలక్షన్ కమిటీ.
కెప్టెన్ రోహిత్ శర్మ, టీమ్ మేనేజ్‌మెంట్, సెలక్టర్లతో విరాట్ మాట్లాడినట్లు స్పష్టం చేసింది బీసీసీఐ. దేశం కోసం ఆడటం తన తొలి ప్రాధాన్యత అని.. కానీ పర్సనల్ రీజన్స్ వల్ల ఈ నిర్ణయం తీసుకున్నట్లు విరాట్ తెలిపాడంది. కోహ్లీ నిర్ణయాన్ని గౌరవిస్తున్నామని ప్రకటించింది బీసీసీఐ. కోహ్లీకి మద్దతు ఇస్తూనే.. మిగిలిన జట్టు సభ్యుల సామర్థ్యాలపై నమ్మకంతో ఉన్నామంది. కోహ్లీ ప్లేస్ లో ఎవరు ఆడుతారనేది తెలియాల్సి ఉంది. తర్వలోనే మరో ఆటగాడిని ఎంపిక చేయనుంది సెలక్షన్ కమిటీ.
