MS Dhonis Bikes And Car Collection: ధోనీ బైక్ కలెక్షన్‌కు బిత్తరపోయిన మాజీ పేసర్ (వీడియో)
దిశ, వెబ్‌డెస్క్: టీమిండియా మాజీ కెప్టెన్ మహేంద్ర సింగ్ ధోనీకి బైక్స్ అంటే ఎంత పిచ్చో ప్రత్యేకంగా చెప్పనక్కర్లలేదు. అతని ఫామ్ హౌస్‌లోని బైక్ కలెక్షన్స్ చూస్తేనే ఈ విషయం అర్థమవుతోంది. కెరీర్ ప్రారంభం నుంచి ఇప్పటి వరకు అతనికి మ్యాన్ ఆఫ్ ది మ్యాచ్‌గా వచ్చిన బైక్స్‌తో పాటు ఇష్టమైన వాటిని కొనుగోలు చేసిన ధోనీ తన ఫామ్ హౌస్‌లో ఓ గ్యారేజీనే మెయింటేన్ చేస్తున్నాడు. మార్కెట్లో కొత్త బైక్ లేదా కార్‌ వచ్చిన అది ధోని గ్యారేజీలోకి రావాల్సిందే. అయితే ధోని తన గ్యారేజీని ఎప్పుడు చూపించడానికి ఇష్టపడలేదు. అయితే మాజీ బౌలర్‌ వెంకటేశ్ ప్రసాద్ చొరవతో ధోని గ్యారేజీని తొలిసారి చూసే అవకాశం మనకు దక్కింది.
సహచర మాజీ ప్లేయర్ సునీల్ జోషి‌తో కలిసి ధోనీ ఇంటిని సందర్శించిన వెంకటేశ్ ప్రసాద్.. అతని బైక్ కలెక్షన్స్‌కు సంబంధించిన వీడియోను అభిమానులతో పంచుకున్నాడు. ధోనీ గ్యారేజీలో బైక్స్‌తో పాటు ఖరీదైన కార్లు కూడా ఉన్నాయి. 'బైక్స్‌పై ఇంత పిచ్చి ఉన్న వ్యక్తిని నేను ఇప్పటి వరకు చూడలేదు. ఇదీ ఏం కలెక్షన్. ధోనీ ఏం మనిషి. అతనో గొప్ప అచీవర్. అంతకుమించి గొప్ప వ్యక్తి. రాంచీలోని అతని ఇంటిలోని ఈ బైక్, కార్ల కలెక్షన్లు చూస్తుంటే గూస్‌బంప్స్ వస్తున్నాయి. ఇవన్నీ ధోనీ అభిరుచి, పిచ్చికి నిదర్శనంగా నిలుస్తున్నాయి' అని వెంకటేశ్ ప్రసాద్ ట్వీట్ చేశాడు. ఈ బైక్ కలెక్షన్స్ చూసి అభిమానులు కూడా ఫిదా అవుతున్నారు. బాప్‌రే.. ఇన్ని బైకులా..? అని కామెంట్ చేస్తున్నారు. ధోనీ బైక్స్ కలెక్షన్‌లో ఖరీదైన వాటితో పాటు మాములు బైక్స్ కూడా ఉన్నాయి.
One of the craziest passion i have seen in a person. What a collection and what a man MSD is . A great achiever and a even more incredible person. This is a glimpse of his collection of bikes and cars in his Ranchi house.
— Venkatesh Prasad (@venkateshprasad) July 17, 2023
Just blown away by the man and his passion @msdhoni pic.twitter.com/avtYwVNNOz
