క్రికెట్ రంగంలో సంచలనం.. షమర్ జోసెఫ్‌పై KTR ఆసక్తికర ట్వీట్

దిశ, వెబ్‌డెస్క్: ప్రపంచ క్రికెట్‌లో తిరుగులేని ఆధిపత్యాన్ని చలాయిస్తున్న ఆస్ట్రేలియాను టెస్ట్ మ్యాచ్‌లో వారి సొంత గడ్డపై మట్టికరిపించి అందరి దృష్టిని ఆకట్టుకున్నారు షమర్ జోసెఫ్. క్రికెట్ ప్రపంచంలో ఇప్పుడు ఈయన పేరు మార్మోగుతోంది. ఈ వెస్టిండీస్ ఫాస్ట్ బౌలర్ ధాటికి 27 ఏళ్ల తర్వాత ఆస్ట్రేలియాను సొంత గడ్డపై కరెబియన్ జట్టు ఓడించింది. కేవలం 11.5 ఓవర్లు బౌలింగ్ చేసి 7 వికెట్లు తీసి ఆస్ట్రేలియాను ఘోర పరాజయం ముంగిట నిల్చొబెట్టాడు. అయితే తాజాగా కేటీఆర్ ట్విట్టర్ వేదికగా షమర్ జోసెఫ్ ప్రతిభను కొనియాడారు. ‘షమర్ జొసెఫ్‌ది అద్భుతమైన జీవిత ప్రయాణం. క్రికెట్ ప్రపంచం.. అందరూ దిగ్గజ బ్యాట్స్‌మెన్ ఈయన బౌలింగ్‌కు రెడీగా ఉండండి. గబ్బాలో 27 ఏళ్ల తర్వాత వెస్టిండీస్ ఆస్ట్రేలియాను ఓడించిన మ్యాచ్ హైలైట్స్ ఇప్పుడే చూశాను. ఫాస్ట్ బౌలర్లు ఈ ప్రదర్శన చూడాటాన్ని ఇష్టపడతారు.’ అంటూ ట్వీట్ చేశారు.