ఇంగ్లాండ్‌ను తక్కువ స్కోర్‌కు కట్టడి చేసిన న్యూజిలాండ్

దిశ, వెబ్‌డెస్క్: వన్డే వరల్డ్ కప్ 2023 లో భాగంగా మొదటి మ్యాచ్ ఇంగ్లాండ్, న్యూజిలాండ్ మధ్య గుజరాత్ లోని నరేంద్రమోడీ స్టేడియంలో జరుగుతుంది. ఈ మ్యాచ్ లో మొదట టాస్ గెలిచిన న్యూజిలాండ్ జట్టు బౌలింగ్ ఎంచుకుంది. దీంతో మొదట ఇంగ్లాండ్ బ్యాటింగ్ చేసింది. జానీ బెయిస్ట్రో 33, జో రూట్ 77, జోస్ బుట్టలేరు 43, మినహా ఎవరూ సరిగ్గా రాణించలేకపోయారు. దీంతో ఇంగ్లాండ్ జట్టు నిర్ణీత 50 ఓవర్లకు 9 వికెట్లు కోల్పోయి 282 పరుగులు చేసింది. కాగా న్యూజిలాండ్ బౌలర్లు మాట్ హెన్రీ 3, మిచెల్ సాంట్నర్ 2, గ్లెన్ ఫిలిప్స్ 2, రచిన్ రవీంద్ర, ట్రెంట్ బౌల్ట్ లు చెరో వికెట్ పడగొట్టారు. ఈ మ్యాచ్ లో న్యూజిలాండ్ విజయం సాధించాలంటే 50 ఓవర్లకు 283 పరుగులు చేయాల్సి ఉంది.