WorldCup 2023: చెలరేగిన భారత బౌలర్లు.. కుప్పకూలిన ఇంగ్లాండ్

దిశ, వెబ్‌డెస్క్: దక్షిణాఫ్రికా వేదికగా అండర్ 19 మహిళల ప్రపంచకప్‌లో భాగంగా ఇంగ్లాండ్, భారత్ మధ్య జరుగుతున్న ఫైనాల్ మ్యాచ్‌లో భారత మహిళలు ఆదరగొట్టారు. భారత బౌలర్ల దాటికి ఇంగ్లాండ్ టాప్ ఆర్డర్ కుప్పకూలింది. దీంతో నిర్ణీత 20 ఓవర్లలో ఇంగ్లాండ్ 10 వికెట్ల నష్టానికి 68 పరుగులు చేసింది. ఈ మ్యాచ్‌లో టాస్ ఓడి బ్యాటింగ్‌కు దిగిన ఇంగ్లాండ్‌‌ ఓపెనర్లు సింగిల్ స్కోర్‌కే పరిమితయ్యారు. గ్రేస్ స్క్రివెన్స్ (4) పరుగులకే పెవిలియన్ బాట పట్టగా.. లిబర్టీ హీప్ (0) పరిమితమయింది. హోలాండ్ (10) ఔట్ అయింది. సెరెన్ స్మెల్ (3) మైదానాన్ని విడవగా.. రైన్ మెక్ డొనాల్డ్ (19) పరుగుల వద్ద వెనుదిరిగింది. ఆ తర్వాత ప్లేయర్లు కూడా వచ్చి రాగానే వరుసగా వికెట్లు కోల్పోవడంతో పెద్దగా పరుగులు రాణించలేకపోయారు. 17.1 వద్దనే 10 వికెట్లు కోల్పోయి 68 పరుగులు చేసింది. ఇక, భారత బౌలర్లలో సదు,అర్చన దేవి, చోప్రా.. రెండు వికెట్లతో ఆదరగొట్టగా.. కశ్యప్, షఫాలీ వర్మ,సోనమ్ యాదవ్ తలా ఒక్క వికెట్ తీశారు.