కామెంటేటర్ గా 40 ఏళ్లు పూర్తి చేసుకున్న హర్షా భోగ్లే

దిశ, వెబ్ డెస్క్ : హర్షా భోగ్లే.. ప్రఖ్యాత క్రికెట్ కామెంటేటర్ గా ప్రపంచ వ్యాప్తంగా తనకంటూ ఓ ప్రత్యేక స్థానాన్ని సుస్థిరం చేసుకున్నారు. క్రికెట్ పై అతడికి ఉన్న ప్రేమ, ఆసక్తి, లోతైన అవగాహన, వాయిస్ ఆయనకు పేరు ప్రఖ్యాతలు తెచ్చి పెట్టాయి. ఆదివారం తో భోగ్లే క్రికెట్ కామెంటేటర్ గా 40 వసంతాలను పూర్తి చేసుకున్నారు. ఈ సందర్భంగా దురదర్శన్ లో ప్రసారమైన మొదటి వన్డే మ్యాచ్‌కి వ్యాఖ్యాతగా వ్యవహరించిన పే స్లిప్ ను ఇన్స్టాగ్రామ్ లో షేర్ చేశాడు. 'నాలుగు దశాబ్దాల క్రితం, ఈ రోజున, నా మొదటి ODI అనుభవం కలిగింది' అంటూ భోగ్లే తన పోస్ట్‌లో రాశాడు. అవకాశం కోసం ఆశగా ఎదురుచూస్తున్న యువకుడికి అవకాశమిచ్చిన డీడీ-హైదరాబాద్‌కు చెందిన దయగల నిర్మాతను ఈ సందర్భంగా నేను గుర్తు చేసుకుంటున్నా అంటూ భావోద్వేగానికి గురయ్యారు.