Virat Kohli: కోహ్లీ ఫ్యాన్స్ కు గుడ్ న్యూస్.. కింగ్ ఈజ్‌ బ్యాక్‌.. ఇక అఫ్ఘాన్‌కు దబిడి దిబిడే..
దిశ,ఫీచర్స్ : కింగ్ కోహ్లీ గురించి ప్రత్యేకంగా చెప్పాల్సిన అవసరం లేదు. టీ20 ఫార్మెట్‌లో కోహ్లీని చూసి చాలా కాలం అయ్యింది. 2022 లో టీ20 వరల్డ్‌కప్‌ తర్వాత ఈ మ్యాచ్‌లకు కింగ్ దూరంగా ఉన్నాడు. ప్రస్తుతం అఫ్ఘాన్‌తో ఇండియా టీ20 సిరీస్‌ ఆడుతున్న విషయం మనకి తెలిసిందే. ఇండోర్ వేదికగా జనవరి 14 న రెండో టీ20 జరగనుంది. ఈ మ్యాచ్ ద్వారా కోహ్లీ అంతర్జాతీయ టీ20ల్లోకి అడుగుపెట్టనున్నాడు. ఇండోర్‌లోని హోల్కర్ క్రికెట్ స్టేడియంలో అఫ్ఘానిస్థాన్‌తో రెండో టీ20లో తలపడేందుకు భారత్ సన్నద్ధమతోంది. సుదీర్ఘ విరామం తర్వాత టీ20 ఫార్మాట్‌లో భారత జట్టులోకి తిరిగి ఎంట్రీ ఇవ్వబోతున్న విరాట్ కోహ్లీపై అందరి దృష్టి ఉంది.
మొహాలీలో జరిగిన మొదటి టీ20లో ఆరు వికెట్ల తేడాతో గెలిచి 1-0 ఆధిక్యంలోకి వెళ్లింది. ఇక రేపటి జరిగే మ్యాచ్ లో గెలిస్తే.. సిరీస్‌ను కైవసం చేసుకుంటుంది. మొదటి టీ20 లో శివమ్ దూబే తన ప్రదర్శనకు ప్లేయర్ ఆఫ్ ది మ్యాచ్ అవార్డును అందుకున్నాడు.ఇక ఇండోర్ పిచ్ బ్యాట్స్‌మెన్‌కు అనుకూలంగా ఉంటుంది. రెండో మ్యాచ్ లో రోహిత్ శర్మ (కెప్టెన్ ) శుభ్‌మన్ గిల్ / యశస్వి జైస్వాల్, విరాట్ కోహ్లీ, శివమ్ దూబే, జితేష్ శర్మ (WK), రింకు సింగ్, అక్షర్ పటేల్, వాషింగ్టన్ సుందర్ / కుల్దీప్ యాదవ్, రవి బిష్ణోయ్ / అవేష్ ఖాన్, అర్ష్‌దీప్ సింగ్, ముఖేష్ కుమార్ ఆడనున్నారు.
