కోహ్లీ అభిమానులకు షాకింగ్ న్యూస్..! బిగ్ బాంబ్ పేల్చిన సునీల్ గవాస్కర్
దిశ, వెబ్‌డెస్క్: ప్రపంచవ్యాప్తంగా క్రికెట్ ప్రియులు ఎప్పుడెప్పుడా అని ఎదురు చూస్తోన్న క్యాష్ రిచ్ లీగ్ ఐపీఎల్ షెడ్యూల్ విడుదలైన సంగతి తెలిసిందే. మార్చి 22న తొలి మ్యాచ్ డిఫెండింగ్ ఛాంపియన్ చెన్నై సూపర్ కింగ్స్, రాయల్ ఛాలెంజర్స్ బెంగళూరు మధ్య జరగనుంది. ఈ క్రమంలో ఆర్సీబీ స్టార్ ప్లేయర్ విరాట్ కోహ్లీపై భారత మాజీ క్రికెటర్ సునీల్ గవాస్కర్ కీలక వ్యాఖ్యలు చేశాడు. ఈ ఐపీఎల్ సీజన్‌లో కోహ్లీ భారీగా పరుగులు చేస్తారా..? అని ప్రశ్నించగా.. అసలు కోహ్లీ ఐపీఎల్ ఆడుతాడా అని ఆయన సందేహం వ్యక్తం చేశాడు. వ్యక్తిగత కారణాలతో గత కొంత కాలంగా క్రికెట్‌కు దూరంగా ఉన్న విరాట్ కోహ్లీ బహుశా ఈ ఐపీఎల్ సీజన్‌కు కూడా దూరమయ్యే అవకాశం ఉందని అభిప్రాయపడ్డారు.
ఏదో ఒక కారణం వల్ల కోహ్లీ ఈ సీజన్ ఆడకపోవచ్చని గవాస్కర్ బిగ్ బాంబ్ పేల్చారు. స్వదేశంలో ఇంగ్లాండ్‌తో జరుగుతోన్న టెస్ట్ సిరీస్‌లో అరంగ్రేట మ్యాచ్‌లోనే మూడు వికెట్లతో ఆకట్టుకున్న ఆర్సీబీ బౌలర్ ఆకాష్ దీప్‌పైన గవాస్కర్ ఆసక్తికర వ్యాఖ్యలు చేశారు. ఇంగ్లాండ్‌పై అద్భుతంగా బౌలింగ్ చేసిన పేసర్ ఆకాష్ దీప్ ఈ ఏడాది ఐపీఎల్‌లో మరింత వెలుగులోకి వచ్చే చాన్స్ ఉందని అభిప్రాయం వ్యక్తం చేశారు. ఐపీఎల్ టోర్నీలో ఆర్సీబీకి ప్రధాన సమస్య అయిన డెత్ ఓవర్ స్పెషలిస్ట్ పాత్రను ఆకాశ్ దీప్ పోషించగలడని ఆయన తెలిపారు.
కాగా, మరికొన్ని రోజుల్లో ఐపీఎల్ ప్రారంభం కానున్న సమయంలో కోహ్లీ ఐపీఎల్ ఆడకపోవచ్చని గవాస్కర్ చేసిన వ్యాఖ్యలతో కోహ్లీ అభిమానులు ఒకింత నిరాశకు గురి అవుతున్నారు. కింగ్ ఐపీఎల్ ఆడుతాడని.. ఈ సారి పరుగుల వరద పారించడం ఖాయమని ఫ్యాన్స్ ధీమా వ్యక్తం చేస్తున్నారు. ఇక, కోహ్లీ సతీమణి అనుష్క శర్మ గర్భవతి కావడంతో విరాట్.. ఇంగ్లండ్‌తో జరుగుతోన్న ఐదు మ్యాచుల టెస్ట్ సిరీస్‌కు దూరమైన సంగతి తెలిసిందే. ఇటీవల కోహ్లీ, అనుష్క శర్మ దంపతులు రెండవసారి తల్లిదండ్రులు అయ్యారు. పండంటి మగబిడ్డకు అనుష్క జన్మనిచ్చింది. విరుష్క దంపతులు బాబుకు అకాయ్‌గా నామకరణం చేశారు.
