FIFA World Cup 2022: Cristiano Ronaldo కు మద్ధతుగా Virat kohli హార్ట్ టచింగ్ ట్వీట్

దిశ, వెబ్ డెస్క్: ఫిఫా వరల్డ్ కప్ నుంచి పోర్చుగల్ నిష్క్రమించిన విషయం తెలిసిందే. మొరాకోతో జరిగిన క్వార్టర్ ఫైనల్ మ్యాచ్‌లో 1-0 తేడాతో దిగ్గజ జట్టు ఓడి ఇంటికి చేరగా కెరీర్ లో ఒక్క ప్రపంచకప్ అయినా నెగ్గాలన్న క్రిస్టియానో రోనాల్డో కల చెదిరింది. 37 ఏళ్ల రోనాల్డో మరో ప్రపంచ కప్ ఆడే అవకాశాలు లేక పోవడంతో మ్యాచ్ అనంతరం కంటతడి పెట్టుకోవడం క్రీడా ప్రపంచాన్ని కదిలించింది. ఈ నేపథ్యంలో రోనాల్డో అభిమాని అయిన కోహ్లి హృదయాలను హద్దుకునే ట్వీట్ చేశాడు.

''ప్రపంచ క్రీడా అభిమానులు మీరు ఆట కోసం ఏం చేశారో చూశాం. ఏ ట్రోఫీ లేదా టైటిల్ పరాజయం మీరు చూపిన స్ఫూర్తిని మానుంచి దూరం చేయలేవు. మీ ఆట, అభిమానులపై మీరు చూపిన ప్రభావం ఏ టైటిల్ కు సరితూగదు. అది దేవుడు మీకు ఇచ్చిన బహుమతి. అంకిత భావం, కఠోర సాధన, ఆటలో ప్రాణం పెట్టి పోరాడటం మా అందరికీ ఆదర్శం. ఇవన్నీ దేవుడు మీకు అందించిన ఆశీర్వాదాలు. నాకు మీరే ఆల్ టైం గ్రేట్'' అని విరాట్ ట్వీట్ చేశాడు. కాగా మ్యాచ్ అనంతరం రోనాల్డో కన్నీళ్లు తుడుచుకుంటూ స్టేడియం వదలడం వైరల్ గా మారింది. పోర్చుగల్ తరపున 195 మ్యాచ్ లు ఆడిన రోనాల్డో 118 గోల్స్ చేశాడు.

Read More...

HotStar సెన్సేషనల్ రికార్డ్ !