మతిస్థిమితం లేక తల్లిని చంపిన తనయుడు..!

దిశ ప్రతినిధి, నిజామాబాద్: నిజామాబాద్ జిల్లా ఎడపల్లి మండలం ఏఆర్పీ క్యాంప్ గ్రామంలో దారుణం జరిగింది. సోమవారం మధ్యాహ్నం తల్లి కనకవ్వ (60) తల పై రోకలి బండతో.. కొడుకు శ్రీనివాస్ దాడి చేశాడు. ఈ దాడిలో కనకవ్వ తలకు తీవ్ర గాయం అయింది. చికిత్స నిమిత్తం ఆస్పత్రికి తరలిస్తుండగా మార్గ మధ్యలోనే మృతి చెందింది. అయితే, శ్రీనివాస్‌కు మతిస్థిమితం లేదని స్థానికులు చెప్పగా.. కేసు నమోదు చేసుకున్న పోలీసులు దర్యాప్తు చేపట్టారు.