దేశంలోనే పొట్టి లాయర్.. ఆమె విజయం వెనుక ఎంతో విషాదం!
దిశ, వెబ్‌డెస్క్ : హర్విందర్ కౌర్ అనే యువతి దేశంలోనే పొట్టి లాయర్‌గా రికార్డులకెక్కింది. పంజాబ్‌కు చెందిన ఈమె ఎత్తు ఎంతంటే 3 అడుగుల 11 అంగులాలు. స్కూల్ వయస్సులో అందరితో పాటు ఆమె సైతం ఆటలు ఆడుతూ సరదాగా గడుపుతుండేది. పదేళ్ల వయస్సు వరకు ఇలా ఆనందంగానే సాగింది. కానీ వయస్సు పెరుగుతున్న కొద్దీ ఆమె ఎత్తులో ఎలాంటి మార్పు కనిపించలేదు. తోటి స్నేహితులు మాత్రం సాధారణంగా వయస్సుకు తగ్గట్టు ఎత్తు పెరిగారు. దీంతో ఇతరులు ఆమెను చిన్నచూపు చూడటం మొదలుపెట్టారు. ఆ అవమానాన్ని హర్విందర్ కౌర్ భరించలేకపోయింది.
పాఠశాలకు వెళ్లడం మానేసి ఇంటికే పరిమితమైంది. అయినా కూడా జీవితంలో ఏదో సాధించాలనే పట్టుదల ఆమెను విజయ తీరాలకు చేర్చింది. పట్టుదల, ఆత్మవిశ్వాసంతో ముందుకు సాగిన హర్విందర్ ఎట్టకేలకు 24 ఏళ్ల వయస్సుల్లోనే లాయర్ పట్టా అందుకుని అందరినీ ఆశ్చర్యానికి గురిచేసింది. ఆమె విజయాన్ని చూసి ప్రస్తుతం అందరూ ప్రశంసలతో ముంచెత్తుతున్నారు. తనను చిన్న చూపు చూసిన వారు సైతం ఆమెకు నమస్కరిస్తున్నారని ఈ పొట్టి లాయర్ గర్వంగా చెబుతోంది.
