అక్కన్నపేటలో ఏకే 47తో కాల్పులు

సిద్దిపేట జిల్లా అక్కన్నపేట మండల కేంద్రంలో గురువారం అర్ధరాత్రి కాల్పులు కలకంల సృష్టించాయి. గ్రామానికి చెందిన దేవుని సదానందం అనే గొర్లకాపరి అర్ధరాత్రి తన ఇంటి సమీపంలో నివసించే గుంటి గంగరాజు ఇంటికి వెళ్ళాడు. కిటికీలో నుంచి గంగరాజుపై ఏకే 47 తో రెండు రౌండ్లు కాల్పులు జరిపాడు. గంగరాజు తృటిలో తప్పించుకోగా నిందితుడు పరారయ్యాడు. పోలీసులు అక్కడికి చేరుకుని రెండు బుల్లెట్లు స్వాధీనం చేసుకున్నారు. సదానందం ఇంటి వద్ద మరో బుల్లెట్, తల్వార్, ఏకే బెల్ట్ను స్వాధీనం చేసుకున్నట్లు తెలిసింది. హుస్నాబాద్, సిద్దిపేట ఏసీపీలు, క్లూస్ టీమ్ విచారణ చేస్తున్నట్లు సమాచారం. కాగా, గొర్ల కాపరికి తుపాకీ ఎక్కడిదనే కోణంలో విచారణ సాగుతున్నట్లు సమాచారం. పూర్తి వివరాలు పోలీసులు వెల్లడించాల్సి ఉంది.