మణిరత్నం డ్రీం ప్రాజెక్ట్‌లో ‘గూఢచారి’ భామ

గూఢచారి ఫేం శోభిత ధూలిపాళ అదృష్టం మామూలుగా లేదు. ఏకంగా మణిరత్నం డ్రీమ్ ప్రాజెక్ట్‌లోనే ఛాన్స్ కొట్టేసింది. విక్రమ్, కార్తీ, జయం రవి, త్రిష, ఐశ్వర్యరాయ్, అదితిరావు హైదరీ, కీర్తి, విక్రమ్ ప్రభు, శరత్ కుమార్ లాంటి స్టార్స్ నటిస్తున్న ‘ పొన్నియిన్ సెల్వన్ ‘ సినిమాలో శోభితకు అవకాశం వచ్చింది. కల్కి కృష్ణమూర్తి రచించిన పొన్నియిన్ సెల్వన్ నవల ఆధారంగా తెరకెక్కుతున్న ఈ చిత్రం షూటింగ్ రెండేళ్ల క్రితం ప్రారంభం అయింది. థాయ్‌లాండ్‌లో జరిగిన షూటింగ్‌లో కార్తీ, జయం రవిపై పలు సన్నివేశాలు చిత్రీకరించారు. ప్రస్తుతం రామోజీ ఫిల్మ్ సిటీలో వేసిన సెట్స్‌లో జరుగుతున్న సినిమా షూటింగ్‌లో ముఖ్య తారలంతా పాల్గొంటున్నారని సమాచారం. వీరితో పాటు శోభిత ధూలిపాళ కూడా షూటింగ్‌లో పాల్గొంటుందట. సినిమాకు ఏఆర్ రెహ్మాన్ సంగీతం అందిస్తుండగా.. ఎడిటర్ శ్రీకర్ ప్రసాద్, సినిమాటోగ్రాఫర్ రవి వర్మన్, మాటల రచయిత జయ మోహన్. మద్రాస్ టాకీస్, లైకా ప్రొడక్షన్స్ బ్యానర్‌లో మణిరత్నం, సుహాసిని మణిరత్నం, అలీ రాజా సుభాస్కరన్ సంయుక్తంగా నిర్మిస్తున్నారు.