తాప్సీతో సినిమాకు పోటీపడుతున్న డైరెక్టర్లు

దిశ, సినిమా : ఎప్పుడెప్పుడు రిలీజ్ అవుతుందా? అని ఆడియన్స్ ఆసక్తిగా ఎదురుచూస్తున్న ఫిల్మ్‌లో వచ్చే ఏడాది రిలీజ్ కానున్న ‘శభాష్ మిథు’ ఒకటి. ఇండియన్ ఉమన్ క్రికెటర్ మిథాలీ రాజ్ బయోపిక్‌గా తెరకెక్కనున్న సినిమాలో తాప్సీ లీడ్ రోల్ పోషిస్తుండగా.. రాహుల్ ధోలాకియా డైరెక్టర్. తాజాగా ఈ సినిమాకు డైరెక్టర్ మారినట్టు ట్విట్టర్ వేదికగా తెలియజేశాడు రాహుల్. మల్టిపుల్ నేషనల్ అవార్డ్ విన్నింగ్ డైరెక్టర్ శ్రీజిత్ ముఖర్జీ ఈ స్పోర్ట్స్ డ్రామాకు దర్శకత్వం వహించబోతున్నారని వెల్లడించాడు.

పాండమిక్ నేపథ్యంలో తన షెడ్యూల్స్‌లో మార్పులు చోటుచేసుకున్నందున ఈ ప్రాజెక్ట్ నుంచి తప్పుకుంటున్నానని చెప్పన రాహుల్.. ‘మీరు తప్పకుండా చేయాలనుకునే సినిమాలు కొన్ని ఉంటాయి. శభాష్ మిథు కూడా అలాంటి సినిమానే. కొవిడ్ ప్రతీఒక్కరి షెడ్యూళ్లను గందరగోళం చేయగా.. నాది కూడా అదే పరిస్థితి. దురదృష్టవశాత్తు ప్రియా వేన్ రాసిన వండర్‌ఫుల్ స్క్రిప్ట్‌ను డైరెక్ట్ చేయలేకపోతున్నా’ అని పేర్కొన్నాడు. స్ర్కిప్ట్‌లో క్రికెట్‌, ఎమోషన్‌ మధ్య బ్యాలెన్స్ చేసిన తీరు ప్రశంసనీయమని.. పాత్రలో లీనమయ్యేందుకు తాప్సీ కనబరిచిన పట్టుదల ఆనందాన్ని కలిగించిందని చెప్పుకొచ్చాడు.