చేబర్తి చెరువుకు నీటి విడుదల

దిశ, మెదక్: రాష్ట్ర ఫారెస్ట్ కార్పొరేషన్ చైర్మన్ ప్రతాప్ రెడ్డి గజ్వేల్ నియోజకవర్గంలోని చేబర్తి చెరువుకు నీటిని విడుదల చేశారు. అనంతరం ఆయన మాట్లాడుతూ.. సీఎం కేసీఆర్ సూచన మేరకే నీటిని విడుదల చేసినట్లు తెలిపారు. తెలంగాణ ఉద్యమం మొదలైందే నీళ్ల కోసమని.. తెలంగాణ ప్రజల ఆకాంక్ష నెరవేర్చినందుకు కేసీఆర్‌కి ధన్యవాదాలన్నారు. ఎక్కడైనా వంపుకు ఉన్న ప్రాంతానికి నీళ్లు వస్తాయి.. కానీ కేసీఆర్ కృషితో ఎత్తు ప్రాంతాలకు నీటిని తరలించుకుంటున్నామని ప్రతాప్ రెడ్డి అన్నారు. ఈ కార్యక్రమంలో గ్రామ సర్పంచ్ పాల్గొన్నారు.