స్టేషన్ ఘన్‌పూర్‌లో జిల్లా స్థాయి కబడ్డీ జట్ల ఎంపిక

దిశ, స్టేషన్ ఘన్ పూర్: జనగామ జిల్లా స్టేషన్ ఘన్ పూర్ మండలం చాగల్లు గ్రామంలో జిల్లా కబడ్డీ అసోసియేషన్ ఆధ్వర్యంలో నిర్వహించిన మండల స్థాయి పోటీలలో జిల్లా కబడ్డీ జట్ల ఎంపిక జరిగింది. కబడ్డీ అసోసియేషన్ జిల్లా అధ్యక్షుడు పోగుల సారంగపాణి ఆధ్వర్యంలో నిర్వహించిన మండల స్థాయి కబడ్డీ పోటీల ఎంపికలో 12 మంది బాలుర, 12 మంది బాలికల సబ్ జూనియర్ జిల్లా జట్టును ఎంపిక చేశారు. కార్యక్రమంలో జిల్లా కబడ్డీ అసోసియేషన్ బాధ్యులు గట్టయ్య, వెంకటేశ్వర్లు, మండల ప్రధాన కార్యదర్శి అన్నపు కుమార్, రాజన్న, మోహన్ పీఈటీలు, క్రీడాకారులు పాల్గొన్నారు.