‘పుష్ప’ సెకండ్ సింగిల్ ‘చూపే బంగారమాయనే శ్రీవల్లి’ రిలీజ్

దిశ, సినిమా: టాలీవుడ్ స్టైలిష్ స్టార్ అల్లు అర్జున్‌, దర్శకుడు సుకుమార్‌, స్టార్ మ్యూజిక్ డైరెక్టర్ దేవిశ్రీ ప్రసాద్‌ కాంబినేషన్‌లో వస్తున్న బిగ్ మూవీ ‘పుష్ప’.. ఈ మూవీ నుంచి మొదటగా రిలీజైన ‘దాక్కో దాక్కో మేక’ యూట్యూబ్‌లో రికార్డు సృష్టించగా, తాజాగా రెండో పాటకి సంబంధించిన ప్రోమో విడుదల చేశారు మేకర్స్. అయితే టాలీవుడ్‌లో కాంబినేషన్‌ కి ఎంతో క్రేజ్‌ ఉండగా వచ్చిన ప్రతీ సినిమా మ్యూజికల్‌ హిట్‌గా నిలిచింది. ఈ మేరకు ‘పుష్ప’ ఆల్బమ్‌పై భారీ అంచనాలు నెలకొన్నాయి. ఆ అంచనాలను అందుకునేలా చంద్రబోస్ రచించిన ‘చూపే బంగారమాయనే శ్రీవల్లి’ పాటను తెలుగులో సిధ్‌ శ్రీరామ్‌ ఆలపించారు. అయితే పూర్తి గీతాన్ని ఈ నెల 13న విడుదల చేయనున్నట్లు దర్శకుడు ప్రకటించారు. కాగా, పాన్‌ ఇండియా స్థాయిలో మైత్రీ మూవీ మేకర్స్‌ సంస్థ నిర్మిస్తున్న చిత్రం రెండు భాగాలుగా ప్రేక్షకుల ముందుకురానున్న విషయం తెలిసిందే.