ఇదేం పని మేడం .. చిన్న పోరగాళ్లు కదా..!

దిశ, వెబ్ డెస్క్: బాల కార్మికులు అంటే ఎవరో చెప్పాల్సిన టీచర్.. ఏకంగా తానే పిల్లలను పనికి తీసుకు వెళ్లింది. ప్రతి ఆదివారం ఇలానే కొత్తగా కట్టుకుంటున్న తన ఇంటికి ఏవో పనులకు తీసుకెళుతూ ఉంటుందని చుట్టు పక్కల వారు చెబుతున్నారు. ఈ ఘటన అనంతపురం లో చోటు చేసుకుంది. మనీల జిల్లా పరిషత్ పాఠశాలలో సోషియల్ టీచర్ గా పనిచేస్తున్న శివమ్మ పై ఇప్పుడు విమర్శలు వెల్లువెత్తుతున్నాయి.

పిల్లలతో ఇటుకలు, సిమెంట్ బస్తాలు మోయిస్తున్న వీడియోలు సామాజిక మాధ్యమంలో చక్కర్లు కొడుతున్నాయి. విషయం తెలిసిన పాఠశాల హెచ్ఎం సదరు టీచర్ ను వివరణ ఇవ్వాలని ఆదేశించాడు. అయితే తాను అలా పని చేయించుకోలేదని బుకాయించే ప్రయత్నం చేసింది. అయితే అప్పటికే వీడియోలు వైరల్ గా మారే సరికి నిమ్మకుండిపోయింది. ఇదేంటి మేడం ఇలా చేశారు.. అంటూ నెటిజన్లు ఓ ఆట ఆడుకుంటున్నారు.