క్రిష్ ఇంటిపక్కనే ఇల్లుకొన్న హీరోయిన్.. ఆ కథే వేరు

దిశ, సినిమా : ‘దంగల్’ బ్యూటీ సన్యా మల్హోత్రా ఈ దివాళీని ఎప్పటికీ మరిచిపోని విధంగా సెలెబ్రేట్ చేసుకుంది. విషయం ఏంటంటే.. తను రీసెంట్‌గా ముంబైలోని జుహూలో ఇల్లు కొనుగోలు చేసింది. ఇది జుహూ-వెర్సోవా లింక్ రోడ్‌‌లోని బేవ్యూ బిల్డింగ్‌లో ఉండగా.. తనకు తానే స్పెషల్ గిఫ్ట్‌ ప్రజెంట్ చేసుకుని మురిసిపోతోంది. సన్యా, ఆమె తండ్రి కలిసి రూ.14.3 కోట్లకు ఈ ఇంటిని కొన్నట్లు తెలుస్తుండగా.. గతనెల 14న ప్రాపర్టీ తన పేరుకు ట్రాన్స్‌ఫర్ అయినట్లు సమాచారం. కాగా బాలీవుడ్ రాక్‌స్టార్, క్రిష్ సిరీస్ ఆఫ్ మూవీస్‌తో క్రేజీ హీరోగా మారిన హృతిక్ రోషన్ సైతం గతేడాది ఇదే బిల్డింగ్‌లో రూ.100 కోట్లతో రెండు ఇండ్లు కొన్నాడు. ఈ మేరకు సన్యా ప్రస్తుతం హృతిక్‌కు పొరుగింటి అమ్మాయిగా మారిపోయింది. అయితే ముంబైలో సొంతింటి కల గురించి గతంలోనూ ఓ ఇంటర్వ్యూలో స్పందించిన సన్యా.. ‘ముంబై సురక్షిత ప్రదేశమని, తనకు శాంతితో పాటు స్వేచ్ఛను ఇస్తుందని తెలిపింది.