తెలంగాణలో మా పార్టీయే అధికారంలోకి రాబోతుంది.. సంకినేని
దిశ, పెన్‌పహాడ్: భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ మేధోపరమైన ఆలోచనా విధానం భావి భారత యువతకు స్ఫూర్తిదాయకమని భాజాపా రాష్ట్ర ఉపాధ్యక్షులు మాజీ శాసనసభ్యులు సంకినేని వెంకటేశ్వరరావు అన్నారు. సోమవారం పెన్‌పహాడ్ మండల పరిధిలోని అనాజిపురం గ్రామంలో అంబేద్కర్ 65వ వర్ధంతి వేడుకలను పురస్కరించుకుని ఆయన విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా ఆయన మాట్లాడుతూ.. మనందరి జీవితాల్లో వెలుగులు నింపడం కోసం జీవితాన్ని త్యాగం చేసిన గొప్ప మేధావని కొనియాడారు. అంబేడ్కర్ దేశం ఏ విధంగా ఉండాలని ఆశించాడో దాన్ని మోడీ సారథ్యంలోని భారతీయ జనతా పార్టీ సాకారం చేయబోతోందన్నారు.
అంబేడ్కర్ ఆశయాలను, తెలంగాణ రాష్ట్ర ఆకాంక్షలను సాకారం చేయడానికి భారతీయ జనతా పార్టీ అధికారంలోకి రాబోతుందన్నారు. ఈ కార్యక్రమంలో పెన్‌పహాడ్ మండల అధ్యక్షుడు పోకల రాములు, జిల్లా ప్రధాన కార్యదర్శి సలిగంటి వీరేంద్ర, జిల్లా ఉపాధ్యక్షులు గజ్జెల వెంకటరెడ్డి, ఇన్చార్జ్ పోకల వెంకటేశ్వర్లు, కట్కూరి కార్తీకరెడ్డి, నాయకులు రమణారెడ్డి, నకిరికంటి వెంకన్న, రంగు నేను విజయకుమార్, మధుసూదన్ రెడ్డి, లతీఫ్, నరేష్ తదితరులు ఉన్నారు.
