సంజూ భాయ్ గ్రీన్ ఇండియా చాలెంజ్

దిశ, వెబ్‌డెస్క్: బాలీవుడ్ నటుడు సంజయ్ దత్ గ్రీన్ ఇండియా చాలెంజ్ స్వీకరించారు. హైదరాబాద్‌ గచ్చిబౌలిలోని అల్యూమినియం ఫ్యాక్టరీలో ‘కేజీఎఫ్ చాప్టర్ 2’ షూటింగ్‌లో పాల్గొంటున్న ఆయన.. ఆ పరిసర ప్రాంతాల్లో ఎనిమిది మొక్కలు నాటారు. ఈ సందర్భంగా గ్రీన్ ఇండియా చాలెంజ్‌ను అద్భుతంగా నిర్వహిస్తున్న రాజ్యసభ సభ్యులు జోగినపల్లి సంతోష్ కుమార్‌ను అభినందించారు. ఇది మనందరం నిర్వర్తించాల్సిన బాధ్యత అని.. ప్రతీ ఒక్కరు చాలెంజ్ స్వీకరించి మూడు మొక్కలు నాటి.. చైన్ కంటిన్యూ చేయాలని కోరారు.