మటన్ బిర్యానీతో అదరగొట్టిన ‘సైఫ్’

లాక్‌డౌన్ పీరియడ్‌లో సెలబ్రెటీలంతా.. తమ అభిరుచులకు టైమ్ కేటాయిస్తున్నారు. కొందరు వంటింట్లో కొత్త ప్రయోగాలకు శ్రీకారం చుడుతుంటే.. మరికొందరు కవితలు రాస్తూ, గిటార్ ప్లే చేస్తూ తమ టాలెంట్‌ను అభిమానులతో పంచుకుంటున్నారు. ఇక బాలీవుడ్ స్టార్ సైఫ్ అలీ ఖాన్ రంజాన్ వేళ.. ‘చెఫ్’ అవతారమెత్తి మ‌ట‌న్ బిర్యానీ చేశాడు. తన భార్య క‌రీనాతో పాటు వదిన క‌రిష్మాలకు తన బిర్యానీ రుచి చూపించడంతో… ఆ టేస్ట్‌కు వారు ఫిదా అయిపోయారట.

ఈ నేఫథ్యంలో క‌రిష్మా క‌పూర్.. సైఫ్ వండిన మ‌ట‌న్ బిర్యానీ ఫోటోను సోష‌ల్ మీడియాలో షేర్ చేసింది. ‘చెఫ్ సైఫు.. బెస్ట్ మటన్ బిర్యానీ ఎవర్.. ఇన్సానే లంచ్’ అని ఫోటోకి కామెంట్ పెట్టి ఈద్ ముబార‌క్ అని విషెస్ తెలిపింది. గ‌తంలో సైఫ్.. చెఫ్ అనే చిత్రంలో న‌టించిన విష‌యం తెలిసిందే. ఆ మూవీ నేమ్ గుర్తు చేసేలా.. ‘చెఫ్’ అంటూ సైఫ్‌ను సంబోంధించింది కరిష్మా.