ఆదిలోనే చతికిల పడ్డ ఆర్సీబీ

దిశ, వెబ్‌డెస్క్: భారీ లక్ష్యంతో బరిలోకి దిగిన ఆర్సీబీ ఆదిలోనే చతికిలపడింది. మొన్నటి ఇన్సింగ్స్‌లో అందరి దృష్టిని ఆకర్శించిన దేవదత్ పడిక్కల్ 2 పరుగుల వద్ద కేవలం ఒక్క పరుగు మాత్రమే చేసి క్యాచ్ ఔట్ అయ్యాడు. తొలి ఓవర్‌లో కాట్రెల్ వేసిన బంతిని కొట్టబోయి నేరుగా రవి భిష్ణోయ్ చేతికి క్యాచ్ ఇచ్చాడు.

వన్‌డౌన్‌లో వచ్చిన వీకెట్ కీపర్ జోష్ ఫిలిప్ కూడా 3 పరుగుల వద్దనే షమి బౌలింగ్‌లో lbwతో డకౌట్ అయ్యాడు. ఇక కెప్టెన్ కోహ్లీ కూడా కాట్రెల్ వేసిన బంతిని షాట్ ఆడబోయి 4 పరుగుల వద్ద.. వ్యక్తిగత స్కోరు 1 మాత్రమే చేసి రవి భిష్ణోయ్‌కి క్యాచ్ ఇచ్చి చేతులెత్తేశాడు. ఆ తర్వాత కాసేపు క్రీజులో కుదురుకున్న ఆరోన్ ఫించ్(20)ను 53 పరుగుల వద్ద రవి భిష్ణోయ్ అవుట్ చేశాడు. దీనికి తోడు ఏబీ డివిలిలయర్స్(28) పరుగులు మాత్రమే చేసి మురుగన్ ఆశ్విన్ బౌలింగ్‌లో సర్ఫరాజ్‌కు క్యాచ్ ఇచ్చి 57 పరుగుల వద్ద పెవిలియన్ చేరాడు. దీంతో కీలక బ్యాట్స్ మెన్లను కోల్పోయిన ఆర్సీబీ చతికిలపడింది. ప్రస్తుతం క్రీజులో శివం దూబే, వాషింగ్టన్ సుందర్ ఉన్నారు.