ముగిసిన పెళ్లి వేడుక.. అంతలోనే విషాదం

రాజస్థాన్‌లో ఘోర రోడ్డు ప్రమాదం జరిగింది. పెళ్లికి వెళ్లి తిరిగి వస్తున్నపెళ్లి బృందం బస్సు కారును ఢీ కొట్టింది. ఈ ప్రమాదంలో తొమ్మిది మంది అక్కడికక్కడే మరణించగా, మరో 15 మంది తీవ్రంగా గాయపడ్డారు. ఈ ఘటన భిల్వారా నగరానికి సమీపంలోని బిగోడ్ ప్రాంతంలో చోటుచేసుకుంది. మరణించిన వారిలో ఐదుగురు పురుషులు, ముగ్గురు మహిళలు, ఓ బాలింత ఉన్నారు. క్షతగాత్రులను భిల్వారాలోని మహాత్మాగాంధీ ఆసుపత్రికి తరలించారు.