Akira Nandan :టాలీవుడ్ ఎంట్రీ.. క్లారిటీ ఇచ్చిన రేణు దేశాయ్

దిశ, వెబ్‌డెస్క్: చిత్ర పరిశ్రమలో నట వారసత్వం కొత్తేమి కాదు. ఇక టాలీవుడ్ లో నట వారసుల కోసం స్టార్ హీరోల ఫ్యాన్స్ ఎంతగానో ఎదురుచూస్తున్నారు. నందమూరి ఫ్యాన్స్ అందరూ బాలకృష్ణ (Nandamuri Balakrishna )వారసుడు మోక్షజ్ఞ ఎంట్రీ కోసం, పవన్ కళ్యాణ్ (Pawan kalyan ) ఫ్యాన్స్ అందరు అకీరా (Akira Nandan ) డెబ్యూ కోసం వేయికళ్లతో ఎదురుచూస్తున్నారు. ఎప్పటికప్పుడు ఈ ఎంట్రీలు ఎప్పుడు ఉంటాయని ప్రశ్నలు మీద ప్రశ్నలు వేస్తూనే ఉంటారు. అయితే తాజాగా అకీరా టాలీవుడ్ ఎంట్రీ గురుంచి రేణు దేశాయ్ క్లారిటీ ఇచ్చారు. కరోనా సమయంలో తన వంతు సాయంగా ఆక్సిజన్ సిలిండర్ల వివరాలను, హాస్పిటల్ బెడ్ల వివరాలను తెలుపుతున్న రేణు ఎప్పడూ నెటిజన్స్ కి దగ్గర ఉంటూ వారి బాగోగులను తెలుసుకుంటున్నారు. ఇక తాజాగా ఆమె చిట్ చాట్ లో పాల్గొనే నెటిజన్ల ప్రశ్నలకు ఓపిగ్గా సమాధానం చెప్పారు.

ఇక ఈ చిట్ చాట్ లో ఓ నెటిజన్ అకీరా టాలీవుడ్ ఎంట్రీ ఎప్పుడు ఉంటుంది అన్న ప్రశ్నకి రేణు స్ట్రాంగ్ రిప్లై ఇచ్చారు. “కరోనాతో ఎంతోమంది ప్రాణాలు కోల్పోతున్నారు.. ఆక్సిజన్ లేక, బెడ్లు దొరక్క అల్లాడిపోతున్నారు. ప్రస్తుతం అందరం ప్రాణాలు కాపాడుకోవాలనే ప్రయత్నంలో ఉన్నాం.. ఇలాంటి సమయంలో అకీరా టాలీవుడ్ ఎంట్రీ గురుంచి మాట్లాడడం కరెక్ట్ కాదు. అలాగే ఆ విషయం మాట్లాడడానికి ఇది సరైన సమయం కూడా కాదని” స్ట్రాంగ్ గా చెప్పింది. అంతేకాకుండా తమ పిల్లలను అందరు జాగ్రత్తగా కాపాడుకోవాలని, అందరు ఇంట్లోనే ఉంటూ కరోనాను తరిమికొట్టాలని తెలిపారు.