తగ్గిన యాదాద్రి ఆదాయం.. నెల రోజుల్లో రూ.2.50

దిశ, నల్లగొండ: కరోనా వైరస్ నేపథ్యంలో విధించిన లాక్‌డౌన్ ప్రభావం యాదాద్రి లక్ష్మీనరసింహ స్వామి ఆలయంపై పడింది. లాక్‌డౌన్ ఆంక్షలతో యాదాద్రి ఆలయాన్ని మూసివేయటంతో హుండీ కానుకలు, ఆర్జిత సేవల రూపంలో వచ్చే ఆదాయంలో భారీగా కోత పడింది. ఆన్​లైన్ పూజలు ద్వారా నెల రోజుల్లో కేవలం రూ.2.50లక్షల రాబడి మాత్రమే వచ్చిందని ఆలయ అధికారులు తెలిపారు. కరోనా కట్టడిలో ప్రభుత్వాలు ప్రకటించిన లాక్​డౌన్​తో ఆలయ ఆదాయాలకు గండి పడింది. దైవదర్శనాలు మొక్కు పూజలు అటకెక్కాయి. భక్తులు తమ మొక్కులు తీర్చుకునే అవకాశాన్ని కల్పిస్తూ రాష్ట్ర దేవాదాయ శాఖ ఆన్​లైన్​ పూజల విధానాన్ని ప్రవేశపెట్టిన విషయం తెలిసిందే. ఈ విధానాన్ని యాదాద్రిలో ఏప్రిల్ 21వ తేదీ నుంచి అమలు చేశారు. వీటికి పెద్దగా ఆదరణ లేదని ఆలయ వర్గాలు వెల్లడించాయి. నెల రోజుల వ్యవధిలో 347 మంది భక్తుల ద్వారా కేవలం 2.50 లక్షల ఆదాయం వచ్చినట్టు తెలిపారు.