జడ్చర్ల మున్సిపోల్స్.. టీఆర్ఎస్ కు రెబెల్స్ బెడద….

దిశ, జడ్చర్ల : జడ్చర్ల మున్సిపల్ పోరు రసవత్తరంగా మారింది. అధికార తెరాస పార్టీలో రెబెల్స్ బెడద పెరగడంతో బిజెపి, కాంగ్రెస్ పార్టీలకు పుంజుకునే అవకాశం చిక్కింది. అధికార టీఆర్ఎస్ పార్టీలో టికెట్ ఆశించి భంగపడ్డ నేతలు పార్టీ ఆదేశాలను ధిక్కరించి ఇండిపెండెంట్ గా బరిలోకి దిగారు. మరికొందరు కాంగ్రెస్, బిజెపిలోకి చేరుతున్నారు. ఇందులో చాలా మంది సీనియర్లు కూడా ఉండటంతో పెద్ద లీడర్లు రంగంలోకి దిగి భవిష్యత్తులో అవకాశాలు ఇస్తామని మున్సిపల్ లో పార్టీ కోసం పని చేయాలని రెబెల్స్ ను బుజ్జగిస్తున్నారు. అయినప్పటికీ వినకపోవగా కొందరు కాంగ్రెస్,బిజెపి నుండి అవకాశం రావడంతో అటు వైపు వెళ్లారు. అయితే కీలక నేతలు టీఆర్ ఎస్ ను వీడి ఇతర పార్టీలల్లోకి చేరడంతో ఆయా పార్టీలు నూతనోత్తేజం ప్రచారానికి అడుగులు వేస్తున్నాయి.