ఆప్త మిత్రుడు చెర్రీ : మనోజ్

హీరో మంచు మనోజ్ హోమ్ ప్రొడక్షన్స్ ఎంఎం ఆర్ట్స్ నుంచి వస్తున్న తొలి చిత్రం ‘అహం బ్రహ్మాస్మి’. శ్రీకాంత్ ఎన్ రెడ్డి దర్శకత్వం వహిస్తున్న సినిమా షూటింగ్ శుక్రవారం ప్రారంభం కానుంది. ఈ కార్యక్రమానికి మనోజ్ ఫ్యామిలీ ఫ్రెండ్ మెగా పవర్ స్టార్ రామ్ చరణ్ తేజ్ హాజరుకానున్నారు. మనోజ్ ఫస్ట్ ప్రొడక్షన్ ‘అహం బ్రహ్మాస్మి’కి ఫస్ట్ క్లాప్ ఇచ్చి సినిమా షూటింగ్ లాంఛనంగా ప్రారంభించనున్నారు.

ఈ విషయాన్ని సోషల్ మీడియా వేదికగా తెలుపుతూ ఎమోషనల్ అయ్యాడు మనోజ్. నేను నా స్నేహితులందరినీ గౌరవిస్తానని… వారిని ప్రోత్సహించేందుకు నా వంతు ప్రయత్నం చేస్తానన్నాడు. అలాంటి స్నేహితుడే నాకు కుటుంబ భాగస్వామి అయ్యాడని.. అతనే రామ్ చరణ్ అని తెలిపాడు. శుక్రవారం ‘అహం బ్రహ్మాస్మి’ సినిమా షూటింగ్ ప్రారంభించేందుకు వస్తున్న చెర్రీకి.. చిత్ర యూనిట్ రెడ్ కార్పెట్ స్వాగతం పలుకుతుందంటూ పోస్ట్ పెట్టాడు. చెర్రీ క్లాప్ కొట్టడం చూసేందుకు నేను చాలా ఎగ్జైటింగ్‌గా ఉన్నానన్నాడు.

Tags : Manchu Manoj, Aham Brahmasmi, MM Arts, Srikanth N Reddy