మరో తుఫాన్ ఎఫెక్ట్.. తెలుగు రాష్ట్రాలకు వర్ష సూచన

దిశ, వెబ్‌డెస్క్ : తెలుగు రాష్ట్రాల ప్రజలకు మరో షాకింగ్ న్యూస్. గులాబ్ తుఫాన్ ఎఫెక్ట్ నుంచి కోలుకుంటున్న ప్రజలకు మరో పిడుగులాంటి వార్త కలవరపెడుతోంది. తాజాగా బంగాళాఖాతంలో మరో తుఫాన్ ఏర్పడే అవకాశం ఉందని భారత వాతావరణ శాఖ హెచ్చరించింది.

ఈ నెల 13,14 తేదీల్లో బంగాళాఖాతంలో తుఫాన్ ఏర్పడే అవకాశం ఉన్నట్టు ఓ ప్రకటనలో పేర్కొంది. ఈనెల 15న తీరం దాటే అవకాశం ఉందని వాతావరణ శాఖ తెలిపింది. ఈ కారణంగా తెలంగాణలో మోస్తరు వర్షాలు, కోస్తాంధ్రకు భారీ వర్షాలు కురిసే అవకాశం ఉంది.