రాధేశ్యామ్ కోసం 3500 స్క్రీన్స్..!

దిశ, వెబ్‌డెస్క్: రాధేశ్యామ్ మూవీ కోసం దేశమంతా ఎదురుచూస్తోంది. ఈ సినిమా ఎప్పుడెప్పుడు విడుదలవుతుందా అని పాన్ఇండియా స్టార్ ప్రభాస్ ఫ్యాన్స్ ఉత్కంఠగా చూస్తున్నారు. ఇటీవల సినిమా అప్‌డేట్స్ రావట్లేదంటూ అభిమాని బ్లాక్ మెయిల్ చేసిన విషయం తెలిసిందే. అయితే ఇప్పుడు రాధేశ్యామ్ అప్‌డేట్స్‌ను కాకుండా సినిమానే ప్రేక్షకుల ముందుకు తెచ్చేందుకు యూవీ క్రియేషన్స్ సన్నద్దం అవుతోంది. ఇందులో భాగంగానే సినిమా డిస్ట్రిబ్యూషన్ హక్కులను భారీగా విక్రయించింది. ఈ సినిమా డిస్ట్రిబ్యూషన్ రైట్స్‌ను హిందీలో దాదాపు రూ.120 కోట్లకు విక్రయించింది.

అయితే అంత ఖర్చుపెట్టి సినిమా రైట్స్ కొనుకున్న డిస్ట్రిబ్యూటర్ మూవీని భారీగా రిలీజ్ చేసేందుకు రెడీ అయ్యారు. ఇందులో భాగంగా నార్త్ ఇండియాలో దాదాపు 3500 స్క్రీన్స్ బుక్ చేశారని సమాచారం. నార్త్ బెల్ట్‌లో రాధేశ్యామ్ భారీగా విడుదల అయ్యేందుకు సర్వసిద్దమయిందని, మేకర్స్ గ్రీన్ సిగ్నల్ ఇవ్వడమే తరువాయి అని బాలీవుడ్ సర్కిల్స్‌లో గుసగుసలు వినిపిస్తున్నాయి. దీనిపై క్లారిటీ రావాలంటే మరి కొంత కాలం వేచి చూడాల్సిందే.