జైలులో ఖైదీల ఎంజాయ్.. చుక్కా, ముక్కతో జల్సా.. వీడియో వైరల్
దిశ, వెబ్‌డెస్క్: జైలు అంటే నాలుగు గోడలు.. చప్పిడి తిండితో ఉంటుందని తెలుసు. కానీ, ఓ కారాగారంలో లాకప్లోని ఖైదీలు జాలీగా గడుపుతున్న వీడియో సామాజిక మాధ్యమాల్లో వైరల్గా మారింది. ఈ సంఘటన ఢిల్లీ జైలులో జరిగినట్లుగా సమాచారం. లాకప్లో ఉన్న ఖైదీలు సిగరెట్లు, స్నాక్స్ తింటూ మద్యం సేవించడం ఆ వీడియోలో కనిపించింది. వారిలోని ఓ వ్యక్తి తన ఫోన్లో ఈ తతంగాన్ని రికార్డు చేశాడు. దీంతో ఈ ఖైదీల వ్యవహారం వెలుగులోకి వచ్చింది. ఈ ఖైదీలు నీరజ్బవానియా గ్యాంగ్కు చెందిన షూటర్లుగా తెలుస్తోంది.
Video | Gangsters are seen enjoying liquor, snacks inside police lock-up in Delhi pic.twitter.com/pjySJ1DMJX
— The Indian Express (@IndianExpress) August 25, 2021
కొన్నిరోజుల క్రితం వీరిని అరెస్టు చేసిన ఢిల్లీలోని మండోలి జైలు పోలీసులు.. రిమాండ్ కోసం లోధీ కాలనీ కార్యాలయానికి తరలించారు. ఆ తర్వాతే ఈ వీడియో బయటకు వచ్చింది. అయితే ఇది జైలులో జరిగిందా? లేక ప్రత్యేక విభాగం కార్యాలయంలో జరిగిందా? అనేది తెలియలేదు. ఈ విషయాన్ని జైళ్ల శాఖ డీజీపీ సందీప్ గోయల్ దృష్టికి తీసుకువెళ్లగా.. తాము పరిశీలించాల్సిన అవసరం ఉందని చెప్పారు. ఈ వీడియో కచ్చితత్వంపై ఎలాంటి ఆధారాలు లేవన్నారు.
